Comisións delegadas

As comisións delegadas realizan tarefas de estudo e asesoramento sobre temas concretos a proposta da Xunta de Facultade, podendo propoñer solucións aos mesmos e/ou adotar as resolucións pertinentes. Todas as comisións son actualizadas e ratificadas en Xunta de Facultade.

As Comisións delegadas da Facultade de Bioloxía son as seguintes:

1. Comisión Permanente

Composición

Competencias

Son competencias da Comisión Permanente

• Estudar, asesorar e propoñer solucións en todos aqueles asuntos que o Decano ou a Xunta de Facultade someta á súa consideración.
• Decidir sobre asuntos de trámite ou aqueles outros que a Xunta de Facultade delegue nela. Cando algún membro da comisión considere que un asunto non é de trámite, éste deberá ser obrigatoriamente tratado na Xunta de Facultade.

2. Comisión de Validacións e Recoñecementos

Composición

Funcións

Son funcións da Comisión de Validacións e Recoñecementos as que a continuación se indican:

• Resolver as solicitudes de admisión aos estudos de grao adscritos á Facultade e proceder á valoración e recoñecemento das materias cursadas noutras titulacións, centros ou universidades, conforme á normativa específica vixente na Universidade de Vigo.
• Valorar e aprobar as solicitudes de dedicación a tempo parcial do estudantado.
• Validar as prácticas académicas externas (extracurriculares) realizadas polo alumnado.
• Asesorar e ofrecer propostas de resolución de asuntos relativos á actividade docente a petición da Xunta de Facultade ou do equipo decanal.

3. Comisión de Calidade

4. Comisión de Traballo Fin de Grao

Composición

Funcións

Son funcións da Comisión de Traballo Fin de Grao:

• Xestionar todo o proceso relativo aos TFG.
• Asegurar a aplicación da normativa interna da Facultade de Bioloxía para o TFG, así como a adecuación de calquera procedemento que derive do desenvolvemento do mesmo, ao Regulamento xeral de Traballos de Fin de Grao da Universidade de Vigo.

5. Comisión de Actividades Extraacadémicas e Culturais

Composición

Funcións

Son funcións da Comisión de Actividades Extraacadémicas e Culturais:

• Coordinar e potenciar todo tipo de actividades relacionadas coa cultura e o lecer destinadas ao disfrute do colectivo universitario e da sociedade.
• Coordinar a xestión do orzamento asignado a estas actividades ou as partidas que se obteñan para fins acordes ás competencias desta comisión.

6. Outras comisións

Realizan funcións concretas de ámbito académico e están reguladas por normativas universitarias específicas para a función que deben realizar.

Comisión de Compensación de Grao

Son funcións desta comisión:

• Levar a cabo o proceso de avaliación por compensación do estudantado do Grao en Bioloxía, seguindo as instrucións dictadas para este proceso polo Vicerreitorado de Estudantes.