Misión
A Facultade de Bioloxía é un centro que xera, desenvolve e transmite coñecementos que permiten a formación integral de científicos/as e profesionais da bioloxía, con espírito crítico, coñecementos actualizados e plenas competencias. A calidade docente e investigadora e o compromiso coas necesidades da sociedade son pilares nos que a facultade fundamenta a súa actuación.
Visión
A Facultade de Bioloxía aspira a ser recoñecida polo seu estudantado, a comunidade científica e a comunidade universitaria como un centro de referencia pola calidade e atractivo das súas titulacións, o elevado nivel de investigación e transferencia que desenvolve e o espírito de mellora continua na súa xestión.
Así mesmo, a facultade pretende ser recoñecida polos empregadores e a contorna como un referente pola formación dos seus titulados e a súa implicación como profesionais cualificados e comprometidos co progreso e a transformación da sociedade.
O éxito no desempeño por parte de todos os grupos de interese da facultade contribuirá a situala como un centro de referencia no sur de Galicia, co obxectivo de alcanzar a excelencia na súa actuación e nos seus logros.