banner

facultad

docencia

alumnado

banner

profesion

Programa de Mobilidade SICUE para o curso 2018-2019

Resolución reitoral de 7 de febreiro de 2018 pola que se fai pública a convocatoria do programa SICUE de mobilidade estudantil para o curso 2018-2019.


PRAZO DE SOLICITUDE

Do 13 de febreiro ao 13 de marzo de 2018, ambos incluidos.

REQUISITOS

  • Estudantes do Grao en Bioloxía.
  • Ter superados, con data de 30 de setembro de 2017, un mínimo de 45 ECTS.
  • Estar matriculado no curso 2017-18 dun mínimo de 30 ECTS na Universidade de Vigo.

SOLICITUDES

A través da Secretaría Virtual (No menú da esquerda escoller “Solicitude Sicue”)

https://secretaria.uvigo.gal/

Un cento de estudantes de Secundaria participaron na Olimpíada Galega de Bioloxía

As persoas gañadoras participarán na fase nacional, que se celebrará en Badajoz en abril

Máis dun cento de estudantes de ensino secundario de toda Galicia déronse cita ao longo do pasado venres no campus de Vigo na XIII fase autonómica da Olimpíada Española de Bioloxía. Esa mañá os estudantes enfrontáronse ás diferentes probas de nivel, tanto teóricas como prácticas, e das que sairon as e os gañadores, que representarán a Galicia na fase nacional, que se celebrará en Badajoz do 12 ao 15 de abril de 2018.


Este evento, co-organizado pola asociación da Olimpiada Española de Biología (OEB), o Colexio Oficial de Biólogos de Galicia (COBGA) e a Facultade de Bioloxía da Universidade de Vigo, ten como obxectivo fomentar os estudos relacionados coa Bioloxía e promover o interese na investigación científica entre os estudantes do sistema educativo español. En total, participaron 105 estudantes de segundo de Bacharelato de 31 centros de secundaria da comunidade autónoma galega, 16 da provincia da Coruña (A Coruña, Ames, As Pontes, Boiro, Cambre, Culleredo, Ferrol, Melide, Narón, Noia, Oleiros e Santiago de Compostela), 11 de Pontevedra (Caldas de Reis, Cangas do Morrazo, Lalín, Ponteareas, Pontevedra, Valga, Vigo e Vilagarcía de Arousa), un de Ourense (Ourense cidade) e tres de Lugo (Lugo, Meira, Monforte), cun máximo de catro estudantes por centro educativo. O certame consistiu na resolución dunha proba teórica tipo test e varias probas prácticas de laboratorio de diferentes ámbitos da bioloxía, centrados na base molecular e fisicoquímica da vida. As probas prácticas é a primeira vez que se celebran na fase autonómica.


Ler a noticia completa no DUVI


A xornada completouse coa entrega de diplomas aos participantes, da man de Dña. Edita de Lorenzo, Comisionada do Vigo Tecnolóxico, os decanos das facultades de Bioloxía de Galicia, o decano do Colexio Oficial de Biólogos de Galicia, Pelayo Míguez, e o delegado Institucional do COBGA na Olimpíada Española de Bioloxía, Pablo Fernandes.

Neste acto, puidemos coñecer tamén aos gañadores desta primeira fase autonómica:

  • Denís Arribas Blanco (IES do Castro - Vigo)
  • Javier Pérez Martínez (IES Otero Pedrayo - Ourense)
  • Pedro Vieites Pérez (IES Rosalía de Castro - Santiago de Compostela)

Convocatoria de bolsas Erasmus Estudos 2018-2019

Publicouse a Resolución Reitoral do 29 de decembro de 2017 da Universidade de Vigo, pola que se abre a Convocatoria de Bolsas Erasmus Estudos para o Curso 2018-2019.

Solicitude

Formulario dispoñible na Secretaría Virtual de cada estudante, no apartado "Formulario e Enquisas".

Prazo de presentación

Ate o 25 de xaneiro de 2018.

Lugar de presentación

En Vigo: Rexistro. Campus universitario Lagoas-Marcosende. Edificio Xerencia - Servizos Centrais. 36310 Vigo (Pontevedra).


Máis información no apartado de Mobilidade internacional

Charla Informativa sobre os Programas de Mobilidade

O vindeiro luns 22 de xaneiro de 2018 celebrarase unha charla informativa sobre os Programas de Mobilidade (ERASMUS, Bolsas Propias, Bolsas Santander).



Hora: 12.00 h

Lugar: Salón de actos do Edificio de Ciencias Experimentais


Actividades San Alberte 2017

Co motivo da celebración do San Alberte en 2017, a Facultade de Bioloxía ten preparadas unha serie de actividades no centro:

V Exposición de Cogomelos

Do 7 ao 10 de novembro


IV Concurso de Debuxo biolóxico

Do 9 ao 11 de novembro


Conferencia: Importancia e aproveitamento sustentable dos cogomelos

13 de novembro ás 13:00 h.


Conferencia: CSI made in Galiza

16 de novembro ás 12:15 h.


14 Concurso de Fotografía Biolóxica

Entrega de premios o 16 de novembro ás 13:30 h.


Más información:

Programa de actividades

Folleto do Concurso de Fotografía Biolóxica